شیخوپورہ سی سی آئی این آئی ڈسٹرکٹ رپورٹر کے مطابق ڈپٹی کمشنر شاہد عمران مارتھ نے اسیرانِ جیل کو فراہم کی جانے والی سہولیات، صفائی ستھرائی، سکیورٹی انتظامات اور فلاحی اقدامات کا جائزہ لینے کے لیے ڈسٹرکٹ جیل کا اچانک دورہ کیا۔
دورے میں ایڈیشنل ڈپٹی کمشنر جنرل نعمان علی ڈوگر، سی ای او ہیلتھ ڈاکٹر صدیق بلوچ، سپرنٹنڈنٹ ڈسٹرکٹ جیل اور دیگر ضلعی افسران بھی ہمراہ تھے۔
ڈپٹی کمشنر نے مختلف بیرکوں کا تفصیلی جائزہ لیا اور قیدیوں کو دی جانے والی سہولیات کے حوالے سے استفسار کیا۔ سپرنٹنڈنٹ ڈسٹرکٹ جیل میاں عیمر اکرم نے ڈی سی شیخوپورہ کو مکمل بریفنگ دی۔
اس موقع پر ڈپٹی کمشنر شاہد عمران مارتھ نے گفتگو کرتے ہوئے بتایا کہ وزیر اعلیٰ پنجاب مریم نواز شریف کی خصوصی ہدایات پر جیلوں میں قیدیوں کو بہتر سے بہتر سہولیات فراہم کی جا رہی ہیں۔
ڈی سی نے خود قیدیوں کو دیئے جانے والے کھانے کا معیار چیک کیا اور جیل انتظامیہ کی کارکردگی پر اطمینان کا اظہار کیا۔
بعد ازاں انہوں نے جیل ڈسپنسری کا معائنہ کیا، قیدیوں کی خیریت دریافت کی اور انہیں مہیا کی جانے والی طبی سہولیات کے حوالے سے معلومات حاصل کیں۔
PRIME NEWS AGENCY
City Crime News International (CCNI)
ہر خبر کا رُخ سچ کی جانب
جڑے رہیں ملکی و غیر ملکی تجارتی، تجزیاتی، انوسٹیگیٹو اور تازہ ترین خبروں کے لئے۔
NEWS CENTERS PK
The Supreme Command of Truth Journalism.
