لاہور: پنجاب فوڈ اتھارٹی کی جانب سے شہر بھر میں ملاوٹ مافیا کے خلاف بڑے پیمانے پر کارروائیاں کی گئیں۔
ترجمان کے مطابق ٹیموں نے بیکریوں، سویٹس شاپس، گراسری اسٹورز اور دودھ سپلائی پوائنٹس پر اچانک چھاپے مارے۔
کارروائیوں کے دوران کیمیکل ملا دودھ، غیر معیاری گھی، باسی مٹھائیاں اور جعلی مشروبات برآمد کیے گئے۔ متعدد دکانوں کو سیل جبکہ مالکان پر بھاری جرمانے عائد کیے گئے۔
ڈی جی فوڈ اتھارٹی کے مطابق:
“خالص خوراک عوام کا حق ہے — ملاوٹ مافیا کے خلاف زیرو ٹالرنس پالیسی پر عمل ہو رہا ہے۔”
ذرائع کے مطابق کارروائیاں شادمان، گلبرگ، ڈیفنس، علامہ اقبال ٹاؤن، نولکھا، باغبانپورہ اور چونگی امرسدھو کے علاقوں میں کی گئیں۔
فوڈ سیفٹی ٹیموں نے 500 لیٹر سے زائد ملاوٹ شدہ دودھ اور ناقص بیکری آئٹمز تلف کر دیے۔
اتھارٹی نے عوام سے اپیل کی ہے کہ کسی بھی مشکوک خوراک یا ملاوٹ کی اطلاع پنجاب فوڈ اتھارٹی ہیلپ لائن 1223 پر دیں۔
آخر میں جڑے رہیں تازہ ترین خبروں کے لئے
ہر خبر کا رخ سچ کی جانب
NEWS CENTERS PAKISTAN
