اسلام آباد ( نیوز ڈیسک سی سی این آئی ، نفیس بھٹہ سے ) ایوانِ صدر میں ایک نئی عدالتی تاریخ رقم ہو گئی، جب صدر آصف علی زرداری نے جسٹس امین الدین خان سے پاکستان کی پہلی وفاقی آئینی عدالت کے چیف جسٹس کے طور پر حلف لیا۔ اس اہم تقریب میں وزیراعظم شہباز شریف، سپریم کورٹ کے چیف جسٹس جسٹس یحیٰی آفریدی اور فیلڈ مارشل عاصم منیر نے خصوصی شرکت کی، جس سے اس نو تشکیل شدہ عدالت کی آئینی حیثیت مزید مستحکم ہو گئی۔
یہ پیش رفت اسی ہفتے منظور ہونے والی ستائیسویں آئینی ترمیم کے بعد سامنے آئی، جس کے تحت وفاقی آئینی عدالت کے قیام کو قانونی شکل دی گئی۔ ترمیم کی منظوری کے اگلے ہی روز وزیراعظم کی سفارش پر صدر نے جسٹس امین الدین خان کی تقرری کا حکم نامہ جاری کیا۔
جسٹس امین الدین خان اس سے قبل سپریم کورٹ کے سینئر جج اور آئینی بینچ کے سربراہ رہے۔ وہ رواں ماہ ریٹائرمنٹ کے قریب تھے، لیکن نئے منصب کے باعث اب 68 سال کی عمر تک چیف جسٹس وفاقی آئینی عدالت کی حیثیت سے خدمات انجام دیں گے۔
ملتان سے تعلق رکھنے والے جسٹس امین الدین خان یکم دسمبر 1960 کو پیدا ہوئے۔ انہوں نے 1981 میں فلسفے میں گریجویشن، 1984 میں ملتان یونیورسٹی لا کالج سے ایل ایل بی، اور پھر ٹیکسیشن لا میں ڈپلومہ حاصل کیا۔ ان کا قانونی سفر تین دہائیوں پر محیط ایک روشن پیشہ ورانہ میراث رکھتا ہے جو اب ایک نئے سنگ میل سے جا ملا ہے۔
PRIME NEWS AGENCY
City Crime News International (CCNI)
NEWS CENTERS PAKISTAN
ہر خبر کا رُخ سچ کی جانب
جڑے رہیں ملکی و غیر ملکی تجارتی، تجزیاتی، انوسٹی گیٹو اور تازہ ترین خبروں کے لیے۔
NEWS CENTERS PK —
The Supreme Command of Truth Journalism.
