گجرات سی سی این آئی ، کرائم رپورٹر
ضلع گجرات کے نواحی علاقے بھدر میں ایک انتہائی سنسنی خیز اور ہولناک واقعہ سامنے آیا ہے جہاں ایک خاتون نے دعویٰ کیا ہےکہ اسے اس کی سابقہ داماد کی جانب سے جنات کے اثر و کنٹرول کے تحت مبینہ زیادتی کا نشانہ بنایا گیا۔
تھانہ مگرولہ میں درج ہونے والی یہ ابتدائی اطلاعی رپورٹ (نمبر 219/25) پولیس ذرائع کے مطابق علاقے میں ہنگامہ برپا کر چکی ہے۔
رپورٹ کے مطابق متاثرہ خاتون—جو گھریلو خاتون اور چار بچوں کی ماں ہیں—نے پولیس کو بتایا کہ اس کی بیٹی علوینہ کی شادی تقریباً آٹھ ماہ قبل کبیر حسین ولد شبیر حسین سے ہوئی تھی جو بعد ازاں اپنی بیوی کو چار ماہ قبل طلاق دے چکا ہے۔ خاتون کے مطابق کبیر حسین شادی کے باوجود اس سے جذباتی وابستگی رکھتا تھا۔
مزید بتایا گیا ہے کہ چند روز قبل کبیر حسین گھر واپس آیا اور بیٹی سے رجوع کرنے کا بہانہ بنایا،
مگر 13 نومبر 2025 کی صبح 5 بجے متاثرہ کے بقول اس نے زبردستی اس کے ساتھ زیادتی کی۔
سب سے ہولناک دعویٰ یہ ہے کہ متاثرہ کے مطابق کبیر حسین پر “جنات کے قبضے” کی کیفیت طاری ہو جاتی ہے، اور جب وہ جن—جس کا نام اس نے ”عادل“ بتایا—کبیر حسین پر حاوی ہوتا ہے تو وہ اس وقت تک نارمل نہیں ہوتا جب تک کہ متاثرہ سے جنسی تعلق قائم نہ کر لے۔ خاتون نے یہ بھی دعویٰ کیا ہے کہ کبیر حسین اس سے پہلے بھی متعدد بار اس کے ساتھ زنا کر چکا ہے۔
متاثرہ خاتون نے ایف آئی آر میں کہا کہ ان واقعات نے اس کی گھریلو زندگی تباہ کر دی ہے اور اس کے بچے شدید ذہنی دباؤ کا شکار ہیں۔
پولیس نے دفعہ 376 تعزیراتِ پاکستان کے تحت مقدمہ درج کر کے درخواست کو مزید تفتیش کے لیے ایس آئی یو کے افسران کے سپرد کر دیا ہے۔
ذرائع کے مطابق پولیس جلد میڈیکولیگل، شواہد اور ملزم کے نفسیاتی پہلوؤں پر بھی کارروائی کرے گی۔
مزید پیش رفت سے عوام کو آگاہ رکھا جائے گا۔
PRIME NEWS AGENCY
City Crime News International (CCNI)
NEWS CENTERS PAKISTAN
ہر خبر کا رُخ سچ کی جانب
جڑے رہیں ملکی و غیر ملکی تجارتی، تجزیاتی، انوسٹی گیٹو اور تازہ ترین خبروں کے لیے۔
NEWS CENTERS PK
The Supreme Command of Truth Journalism.
