اسرائیل کی غزہ پر شدید بمباری، جنگ بندی ایک بار پھر خطرے میں
اسرائیلی فوج نے غزہ میں حماس کے درجنوں اہداف پر 120 سے زائد فضائی و راکٹ حملے کیے۔
فوجی ترجمان کے مطابق یہ کارروائی اس وقت کی گئی جب حماس نے جنوبی اسرائیل پر مبینہ حملہ کیا۔
اسرائیلی کارروائیوں کا نشانہ صرف عسکری ٹھکانے نہیں بنے، بلکہ غزہ کی شہری آبادی بھی متاثر ہوئی۔
فلسطینی حکام نے بتایا ہے کہ درجنوں مکانات منہدم ہوئے، جبکہ خواتین اور بچے بھی جانی نقصان میں شامل ہیں۔
انٹرنیشنل نیوز ڈیسک کے مطابق یہ کارروائیاں ایسے وقت میں ہوئیں جب غزہ اور اسرائیل کے درمیان حالیہ جنگ بندی معاہدہ تذبذب کا شکار ہے۔
سیز فائر کے باوجود فریقین کے درمیان جھڑپیں جاری ہیں، اور غزہ میں انسانی بحران مزید گہرا ہو رہا ہے۔
اسرائیلی وزارتِ دفاع نے مؤقف اختیار کیا ہے کہ
حماس شہری علاقوں میں عسکری تنصیبات چھپا کر عالمی قانون کی خلاف ورزی کر رہا ہے، جس کے باعث جوابی کارروائیاں ناگزیر ہیں۔
دوسری جانب حماس نے حملوں کی ذمہ داری قبول کرنے سے انکار کرتے ہوئے کہا کہ
اسرائیل شہریوں پر اندھا دھند بمباری کر کے ظلم کو نئی حدوں تک پہنچا رہا ہے۔
عالمی ردِعمل — انسانیت سوز مناظر
اقوام متحدہ کے ترجمان نے فریقین سے تحمل کی اپیل کرتے ہوئے کہا ہے کہ
“سیز فائر کی ہر خلاف ورزی خطے کے امن کے لیے سنگین خطرہ ہے۔”
قطر اور مصر نے جنگ بندی بحال رکھنے کے لیے سفارتی کوششیں تیز کر دی ہیں۔
مزید تفصیلات کے لئے جڑے رہیں — ہر خبر کا رخ سچ کی جانب
رپورٹ: ڈاکٹر ملک نفیس بھٹہ
ادارہ نیوز سینٹرز پاکستان
