دفترِ خارجہ نے اعلان کیا ہے کہ آج افغان طالبان کے ساتھ قطر کے دارالحکومت دوحہ میں اعلیٰ سطح مذاکرات ہوں گے، جن کی قیادت پاکستان کے وزیرِ دفاع کریں گے۔ رپورٹ بائی اکرام بھٹی
مذاکرات کا محور یہ ہے کہ افغانستان کی سرزمین سے پاکستان کے خلاف سرحد پار دہشت گردی کے واقعات کو کس طرح روکا جائے، اور پاک۔افغان سرحد پر امن و استحکام بحال کیا جائے۔
وزارتِ خارجہ نے بتایا ہے کہ پاکستان اپنی علاقائی سالمیت اور قومی سلامتی کے تحفظ کے لیے پرعزم ہے، اور افغانستان سے مطالبہ کیا گیا ہے کہ وہ اپنی سرزمین کو کسی دوسرے ملک کے خلاف استعمال نہ ہونے دے۔
غیر ملکی سفارتی مشنز کو بھی اس صورتحال پر بریفنگ دی گئی، جس میں پاکستان کے جائز سکیورٹی خدشات اور خطے میں امن کی اہمیت پر زور دیا گیا۔
دفترِ خارجہ کا کہنا ہے کہ پاکستان جنگ نہیں چاہتا لیکن دہشت گردی کے خلاف ٹھوس کارروائی کی ضرورت پر زور دے رہا ہے۔
