اسلام آباد نیوز ڈیسک پولیٹیکل رپورٹر کے مطابق پنجاب بلدیاتی انتخابات کا سیاسی درجہ حرارت
سیاسی درجہ حرارت خطرناک حد تک بڑھ گیا پاکستان تحریک انصاف نے پنجاب حکومت کے لوکل گورنمنٹ بل 2025 کو لاہور ہائی کورٹ میں چیلنج کرنے کا باضابطہ اعلان کر دیا۔
ذرائع کے مطابق پی ٹی آئی کا مؤقف ہے کہ اس بل کی متعدد شقیں آئین پاکستان کے آرٹیکلز 17، 32 اور 140-اے سے متصادم ہیں۔ پارٹی رہنماؤں نے الزام عائد کیا کہ حکومت نے بلدیاتی نظام کو بیوروکریسی کے زیرِ اثر کرنے اور عوامی نمائندوں کو بے اختیار کرنے کی سازش کی ہے۔
پارٹی ذرائع کے مطابق کل صبح لاہور ہائی کورٹ میں آئینی درخواست دائر کی جائے گی، جس کے بعد پنجاب کی سیاست میں ایک نیا آئینی معرکہ شروع ہونے والا ہے۔
سیاسی مبصرین کے مطابق اگر عدالت نے پی ٹی آئی کے مؤقف کی توثیق کی تو مریم نواز حکومت کو سنگین انتظامی اور سیاسی بحران کا سامنا کرنا پڑ سکتا ہے۔
ذرائع کے مطابق یہ مقدمہ پنجاب کے آئینی اختیارات اور عوامی نمائندگی کے مستقبل کا فیصلہ کرے گا۔
نیوز سینٹرز پاکستان
“ہر خبر کا رخ سچ کی جانب!”
رپورٹ: نیوز ڈیسک — نیشنل پولیٹیکل یونٹ
