لاہور نیوز سینٹرز رپورٹ
ڈیرہ حاجی آباد کماہاں میں مین ہول کا ڈھکن نہ ہونے کے باعث مزدور کی بیٹی کی المناک موت کے بعد عوام کا شدید ردِعمل سامنے آ گیا۔ شہریوں نے میٹروپولیٹن کارپوریشن نشتر ٹاؤن لاہور اور اسسٹنٹ کمشنر نشتر ٹاؤن کو سانحے کا براہِ راست ذمہ دار قرار دیتے ہوئے فوری برطرفی اور محکمانہ کارروائی کا مطالبہ کر دیا۔
علاقہ مکینوں کا کہنا ہے کہ متعدد شکایات کے باوجود انتظامیہ نے خطرناک مین ہولز بند نہ کیے، جس کی وجہ سے معصوم جان ضائع ہوئی۔ عوام نے وزیراعلیٰ پنجاب مریم نواز شریف سے مطالبہ کیا ہے کہ متعلقہ افسران کو فوری طور پر سبکدوش کرکے متاثرہ خاندان کو انصاف فراہم کیا جائے۔
عوامی غصے کے پیشِ نظر شہری حلقوں نے اعلان کیا ہے کہ اگر فوری ایکشن نہ لیا گیا تو نشتر ٹاؤن آفس کے سامنے احتجاج کیا جائے گا۔
مزید تفصیلات کے لیے جڑے رہیں — ہر خبر کا رخ سچ کی جانب — نیوز سینٹرز پاکستان۔
