استنبول انٹرنیشنل نیوز ڈیسک سی سی این آئی کے مطابق
ترک صدر رجب طیب ایردوان نے ایک بار پھر عالمی ضمیر کو جھنجھوڑتے ہوئے کہا ہے کہ اسرائیل بہانے بنا کر غزہ میں جنگ بندی کی کھلی خلاف ورزیاں کر رہا ہے۔ ان کا کہنا تھا کہ اسرائیلی اشتعال انگیزی کے باوجود حماس جنگ بندی معاہدے پر مکمل طور پر کاربند ہے۔
ایردوان نے الزام عائد کیا کہ غزہ میں تعلیمی اداروں کو نشانہ بنا کر تباہ کر دیا گیا، جبکہ بے شمار طلبا اور اساتذہ کو شہید کر دیا گیا۔
انہوں نے شدید غم و غصے کا اظہار کرتے ہوئے کہا کہ غزہ میں اب تک ہزاروں معصوم فلسطینیوں کو سفاکی سے قتل کیا جا چکا ہے۔
ترک صدر نے عالمی برادری پر کڑی تنقید کی اور کہا کہ دو سال تک دنیا کی نام نہاد “مہذب اقوام” فلسطینیوں کی نسل کشی کو محض تماشائی بن کر دیکھتی رہیں۔ ایردوان نے واضح کیا کہ ترکی فلسطین کے مسئلے پر کبھی خاموش نہیں بیٹھے گا اور ہر عالمی فورم پر فلسطینیوں کا مقدمہ اٹھاتا رہے گا۔
PRIME NEWS AGENCY
City Crime News International (CCNI)
ہر خبر کا رُخ سچ کی جانب
جڑے رہیں ملکی و غیر ملکی تجارتی، تجزیاتی، انوسٹی گیٹو اور تازہ ترین خبروں کے لئے۔
NEWS CENTERS PK
The Supreme Command of Truth Journalism.
