INTERNATIONAL BREAKING NEWS UPDATE NEWS CENTERS PAKISTAN 🌍
نیوز یارک انٹرنیشنل نیوز ڈیسک –نیوز سینٹرز پاکستان
امریکہ کی تاریخ میں پہلی بار نیویارک شہر کا میئر ایک مسلمان رہنما زہران ممدانی منتخب ہو گیا۔ یہ جیت صرف ایک انتخابی کامیابی نہیں بلکہ امریکی سیاست کے ضمیر کی بیداری ہے۔
34 سالہ زہران ممدانی نے 49.6 فیصد ووٹ حاصل کر کے سابق گورنر اینڈریو کومو کو 41.6 فیصد پر پچھاڑ دیا۔ ان کا تعلق ایک عام تارکینِ وطن گھرانے سے ہے، مگر ان کے نظریات غیر معمولی ہیں — وہ انسانی حقوق، فلسطینی خودمختاری، اور انصاف پر مبنی عالمی سیاست کے علمبردار ہیں۔
مہم کے دوران ممدانی نے نیتن یاہو حکومت کے فلسطینیوں پر مظالم کی سخت مذمت کی تھی۔ ان کے بیانات نے امریکی میڈیا میں ہلچل مچا دی، لیکن نوجوان ووٹرز نے ضمیر کی آواز کو ترجیح دیتے ہوئے ان پر اعتماد کیا۔
انہوں نے کہا تھا
“ہم نیویارک سے انصاف کا آغاز کر رہے ہیں — وہ انصاف جو غزہ تک پہنچے گا۔”
سیاسی مبصرین کے مطابق ممدانی کی جیت امریکہ کے روایتی پاور اسٹرکچر کے لیے ایک زلزلہ ہے۔ صہیونی لابی کی بھرپور مخالفت کے باوجود ان کا جیتنا اس بات کی علامت ہے کہ امریکی عوام نیتن یاہو جیسے جنگی مجرموں کے بیانیے سے تھک چکے ہیں۔
یہ الیکشن اس امر کا واضح ثبوت ہے کہ دنیا کی نظریں اب بدل رہی ہیں — جہاں پالیسیاں نہیں بلکہ ضمیر بولے گا، جہاں انسانیت کے فیصلے اب طاقت کے نہیں، سچائی کے ترازو میں تولے جائیں گے۔
زہران ممدانی کی جیت کے بعد نیویارک کی گلیوں میں خوشی کی لہر دوڑ گئی۔ کئی مقامی مسلمانوں اور امن پسند امریکیوں نے سڑکوں پر نکل کر کہا:
“یہ فلسطین کے مظلوموں کے لیے انصاف کی پہلی کرن ہے۔”
تجزیہ زہران ممدانی کا انتخاب ایک پیغام ہے
کہ جب دنیا کے سب سے بڑے سرمایہ دار ملک میں بھی ایک مسلمان انصاف اور انسانیت کے نام پر کامیاب ہوتا ہے، تو سمجھ لیجیے کہ تاریخ ایک نئے باب کا آغاز کر چکی ہے۔
🌐 ہر خبر کا رخ سچ کی جانب — نیوز سینٹرز پاکستان
نیو یارک انٹرنیشنل نیوز ڈیسک
