سندھ نیوز ڈیسک سی سی این آئی کے مطابق پولیس کی قیادت میں متوقع تبدیلی کے سلسلے میں انسپکٹر جنرل پولیس سندھ کے لئے تین سینئر پولیس افسران کے نام شارٹ لسٹ کر لئے گئے ہیں، جن پر وفاقی سطح پر مشاورت کا عمل باقاعدہ طور پر شروع کر دیا گیا ہے۔
ذرائع کے مطابق آئی جی سندھ کے لئے زیرِ غور ناموں میں گریڈ 22 کے ڈاکٹر امیر احمد شیخ ، گریڈ 21 کے آزاد خان تنولی اور گریڈ 21 کے جاوید عالم اوڈھو شامل ہیں، جنہیں اعلیٰ پیشہ ورانہ تجربے اور انتظامی صلاحیتوں کی بنیاد پر فہرست میں رکھا گیا ہے۔
ڈاکٹر امیر احمد شیخ اس وقت وفاقی محتسبِ اعلیٰ کے عہدے پر فائز ہیں۔ وہ ماضی میں ایڈیشنل آئی جی کراچی اور آئی جی آزاد کشمیر جیسے اہم عہدوں پر خدمات انجام دے چکے ہیں اور پولیس سروس میں ایک مضبوط شہرت رکھتے ہیں۔
آزاد خان تنولی کا تعلق بھی گریڈ 21 سے ہے ، وہ انٹیلیجنس بیورو میں اہم ذمہ داریاں نبھا چکے ہیں اور اس وقت آئی جی سی ٹی ڈی کے طور پر دہشت گردی کے خلاف کارروائیوں میں کلیدی کردار ادا کر رہے ہیں۔
تیسرے امیدوار جاوید عالم اوڈھو ہیں، جو اس وقت ایڈیشنل آئی جی کراچی کے عہدے پر تعینات ہیں اور شہری پولیسنگ، امن و امان اور کرائم کنٹرول کے حوالے سے نمایاں تجربہ رکھتے ہیں۔
ذرائع کا کہنا ہے کہ موجودہ آئی جی سندھ غلام نبی میمن کی ریٹائرمنٹ سے قبل ہی وفاقی حکومت کو نام ارسال کر دیے جائیں گے، جن میں سے ایک نام فائنل کر کے ریٹائرمنٹ کے فوراً بعد نوٹیفکیشن جاری کیے جانے کا امکان ہے۔
PRIME NEWS AGENCY
City Crime News International (CCNI)
NEWS CENTERS PAKISTAN
ہر خبر کا رُخ سچ کی جانب
جڑے رہیں ملکی و غیر ملکی تجارتی، تجزیاتی، انوسٹی گیٹو اور تازہ ترین خبروں کے لئے۔
NEWS CENTERS PK
The Supreme Command of Truth Journalism.
